Tujhe Dekh Kar

Kyu tere ghamon ko,
Teri aankho me
Dhundne ka mann karta hai?

Kyu tujhe dekh kar,
Teri gham se bhari aankho me
Khushi bharne ka mann karta hai?

Kyu teri khamoshi,
Tere khwaabo se
Baat karne ka mann karta hai?

Kyu mann ho kar bhi,
Tere saamne aakar
Khamoshi se tujhe dekhte rehene ka mann karta hai?

Kyu tujhe dekhne ke liye,
Tere saamne na hone par bhi
Mera dil tujhe dhundta hai?

Kyu tujhse bina baat kiye,
Tere dil ko na jaan kar bhi
Dil ko tu apna sa lagta hai?

Kyu mere saare gham,
Tere chehere ko dekh kar
Chhup se jaate hai?

Yun to log kehete hai ki aankhe baat karti hai
Par tujhse ek bhi baar baat na karne par bhi
Mere dil ko esa kyu lagta hai ki
Tere saath to roz hi baat hoti hai.

-By Ritesh [Two Shy(s)]